بشوف فيكي الحياه

بشوف فيكي الحياه دايما فـ كل مكان

وأشوفك صورة سكناها ..

على الاسفلت فى الشارع ...

وفـ السجدة اللى فـ الجامع ..

وأنا رايح ..

وأنا راجع ..

وفى المرايات ..

وفـ اشارة مرور لو أفوت 10 مرات

وبين نبضى أنا سامع ..

غناوى حبك السرحان

فـ قلبي ليل نهار طالع ..

يدق عليا كالغلبان ..

ويتمنانا نتقابل ..

اجيب اوراقى والاقلام ..

واروح كاتب ..

ياست الكل انا ضايع ..

ولجل عنيكي جاي بايع ..

حياتى لجل نظراتك ..

وكلمة حب من ذاتك ..

واخبي جوابي جوايا ..

واقوللك انتى وحياتك ..

امانه تردى بس أوام

نبضات قلم / الشاعر أحمد سامي